التقارير والمبيعات

أرقام فلوسك في دَرّب مش في صفحة واحدة، هي جنب الشغل نفسه: «النهارده» بتقولك اتحصّل كام النهارده والشهر ده، «التحصيل الشهري» فيه المتوقع والمحصّل والخصومات وملف Excel، وصفحة كل كورس فيها «اتحصّل الشهر ده» مقسوم أونلاين ومجموعات.

قبل ما تبدأ

• الأرقام بالجنيه بتظهر للمدرس والمحاسب. المساعد بيشوف مين دفع، ونسبة اللي دفعوا، واللي استلمه هو بس.
• «التحصيل الشهري» و«النهارده» بأرقام السنتر بيظهروا لو بتشتغل «سنتر» أو «خصوصي». لو شغلك أونلاين بس، أرقامك في صفحة الكورس و«طلبات الدفع».

يومك: الصفحة الرئيسية

1. افتح «النهارده» من القايمة.

2. تحت أعداد «مجموعة» و«حضروا» و«لسه مدفعوش» هتلاقي سطر «اتحصّل النهارده … ج.م · الشهر ده … من …». المساعد بيشوف مكانه «في درجك النهارده … ج.م».

   

3. دوس على السطر ده يوديك على «التحصيل الشهري».

شهرك: التحصيل الشهري

1. افتح «الفلوس والتحصيل» ← «التحصيل الشهري»، واختار الشهر بالأسهم.

2. الكارت الأزرق: «اتحصّل من المتوقع»، و«دفعوا»، والإجمالي لكل نوع: «سنتر» و«خصوصي» و«طالب لوحده» و«أونلاين».

3. تحت القايمة افتح «الإعفاءات والخصومات»: فيه «المتوقع» و«الخصومات» و«الإعفاءات» و«المحصّل»، وكل خصم بسببه واللي عمله.

   

4. دوس «إكسيل» عشان تنزّل الشهر كله: الطالب، المجموعة، الفترة، المطلوب، المدفوع، رقم الإيصال، طريقة الدفع، واللي استلم. ولو في خصومات بينزل ملف تاني «الإعفاءات والخصومات».

كل كورس لوحده

1. افتح «الكورسات والامتحانات» ← «الكورسات» وادخل على الكورس.

2. تحت اسم الكورس هتلاقي 4 أرقام: «الطلاب»، «اتحصّل الشهر ده»، «بيتفرجوا»، «محتاجين متابعة».

3. دوس «اتحصّل الشهر ده»: هتلاقي «أونلاين» (اشتراكات اتوافق عليها الشهر ده) و«المجموعات» (اللي اتدفع في السنتر والخصوصي) و«الإجمالي».

   

4. «الطلاب» بيقسم طلاب الكورس: أونلاين، سنتر، خصوصي.

أماكن تانية فيها أرقام

• «طلبات الدفع»: عدد الطلبات «مستنية» و«مقبولة» و«مرفوضة». شوف طلبات الدفع.
• «تقفيل الخزنة» ← «خزن الفريق»: كل مساعد استلم كام وعدّ كام والفرق. شوف الإيصالات وتقفيل الخزنة.
• «أكواد الشحن» ← «تقرير البيّاعين»: لكل بيّاع: الطلاب استخدموا كام كود من أكواده، والمفروض يسلّم كام، وسلّم كام. شوف أكواد الشحن.
• صفحة المجموعة: «نزّل طلاب المجموعة» و«نزّل حضور الشهر» Excel.

حاجات مهمة

• كل الحسابات بتوقيت القاهرة، والشهر هو الشهر الميلادي.
• «أونلاين» في صفحة الكورس هو الاشتراكات اللي اتقبلت الشهر ده بسعرها. «المجموعات» هي الدفعات اللي اتسجلت في مجموعات الكورس.
• الدفعات اللي اتسجلت من غير نت بتدخل الأرقام أول ما تتبعت.
• اشتراك منصتك نفسها وباقتك في «الإعدادات» ← «باقتك». شوف الباقات والتجربة المجانية.

لو حصلت مشكلة

• «اتحصّل الشهر ده» مكتوب «—»: حسابك في الفريق مش عنده صلاحية يشوف الفلوس.
• الرقم أقل من المتوقع: صفّي «التحصيل الشهري» على «متأخر» و«في المهلة» وابعت لهم من «ابعت للي مادفعوش». شوف التحصيل الشهري.