بنك المحتوى: أسئلتك في مكان واحد

«بنك المحتوى» هو المكان اللي بتحط فيه أسئلتك وفيديوهاتك وملفاتك مرة واحدة، متقسمة في مجلدات (مثلاً مجلد لكل باب). الأسئلة بتاخدها بعدين لأي امتحان أو واجب، والفيديوهات والملفات لأي حصة، من غير ما تكتب أو ترفع حاجة تاني.

قبل ما تبدأ

• البنك للمدرس صاحب المنصة. لو مش لاقي «بنك المحتوى» في القايمة، اطلب من المدرس الصلاحية.

الخطوات

تعمل مجلد

1. افتح «الكورسات والامتحانات» ← «بنك المحتوى». أو من صفحة «الامتحانات» دوس «بنك المحتوى».

2. اتأكد إنك على تاب «بنكي».

3. دوس «مجلد جديد».

4. اكتب «اسم المجلد» (مثلاً: الباب الأول · الكهربية)، و«الوصف» لو عايز.

5. دوس «اعمل المجلد».

   

تضيف سؤال للمجلد

1. افتح المجلد.

2. دوس «ضيف للمجلد»، واختار «سؤال».

3. من «اختر نوع السؤال» اختار النوع: «اختيار من متعدد»، «اختيارات متعددة»، «صح / خطأ»، «إجابة قصيرة»، «إملأ الفراغ»، «إجابة رقمية»، أو «مقال / نص طويل».

4. اكتب نص السؤال والاختيارات، وحدد الإجابة الصح والدرجة والمستوى والشرح لو عايز.

5. دوس «حفظ في بنك المحتوى». هتلاقيه في تاب «الأسئلة» جوه المجلد.

   

تاخد أسئلة البنك لامتحان

1. افتح الامتحان أو الواجب واوصل لخطوة «الأسئلة» (شوف عمل امتحان أونلاين).

2. دوس «من بنك الأسئلة».

3. دوّر بـ«دوّر في نص السؤال»، أو اختار مكتبة (مجلد) ومستوى.

4. علّم على الأسئلة اللي عايزها، ودوس «ضيف».

   

حاجات مهمة

• كل سؤال بتاخده من البنك بيتنسخ للامتحان. تعديله في الامتحان مش بيغيّر الأصل اللي في البنك.
• لو سؤال موجود في الامتحان قبل كده، مش بيتضاف تاني، والرسالة بتقولك كام واحد كانوا موجودين.
• «اعمل امتحان عشوائي» بيختار عدد أسئلة بالصدفة من المكتبات اللي تحددها (أو من كل البنك)، ومفيش سؤال بيتكرر.
• جوه المجلد تقدر تعلّم على أكتر من حاجة وتعمل «نقل» لمجلد تاني، أو «نسخ»، أو «حذف» مرة واحدة.
• لو عايز أسئلة جاهزة ومتراجعة، خدها من تاب «مكتبة دَرّب» ودوس «ضيف للبنك»، وهتتحط في مجلد باسم الباب. التفاصيل في مكتبة دَرّب.
• الفيديوهات والملفات اللي في البنك بتضيفها لأي حصة من «من البنك» وانت بتعمل الحصة.

لو حصلت مشكلة

• البنك فاضي ومكتوب «مفيش مجلدات لسه»: دوس «اعمل أول مجلد»، أو خد أسئلة من «مكتبة دَرّب».
• مش لاقي سؤال كتبته: امسح البحث من «كل المجلدات»، أو اتأكد إنك على تاب «الأسئلة».
• الدرجة في سؤال البنك من 0.5 لـ 20 (بمضاعفات 0.5)، ولو كتبت غير كده هتظهرلك رسالة.
• عايز تكتب معادلة في السؤال: شوف كتابة المعادلات والرموز.