الامتحانات والواجب
بنك الأسئلة ومكتبة دَرّب والامتحانات والتصحيح والنتايج.
- 1عمل امتحان أونلاين خطوة بخطوةمن «الكورسات والامتحانات» ← «الامتحانات» دوس «امتحان جديد»، وكمّل 4 خطوات: البيانات، الأسئلة، الإعدادات، ومراجعة ونشر. الاختيار والصح والغلط بيتصححوا لوحدهم، والمقالي بتصححه انت.
- 2بنك المحتوى: أسئلتك في مكان واحد«بنك المحتوى» فيه مجلدات بتحط فيها أسئلتك وفيديوهاتك وملفاتك مرة واحدة، وبعدين تاخد الأسئلة لأي امتحان أو واجب من «من بنك الأسئلة»، والفيديوهات والملفات لأي حصة من «من البنك».
- 3مكتبة دَرّب: امتحانات جاهزة للثانوي في دوسة«مكتبة دَرّب» فيها 15,765 سؤال و1,330 امتحان جاهز للثانوية العامة، بالمادة والصف والباب والصعوبة. تاخد امتحان جاهز زي ما هو، أو تقول «اعمله لي» ويتعمل امتحان من الأبواب والصعوبة اللي تختارها، أو تضيف أسئلة لبنكك.
- 4الواجب: وقفل الحصة اللي بعدها لحد ما يحلهالواجب على دَرّب بيتعمل على حصة في كورس، ولو شغّلت «يفتح الحصة اللي بعدها لما ينجح» الحصص اللي بعدها بتفضل مقفولة عند الطالب لحد ما ياخد درجة النجاح فيه.
- 5تصحيح الأسئلة المقالية والإجابات بالصوت والصورةالسؤال المقالي ممكن الطالب يجاوبه كتابة أو بتسجيل صوت أو بصور لحلّه. بتصححه من نتايج الامتحان: تسمع أو تشوف الإجابة، ترسم على الصورة بالقلم الأحمر أو الأزرق، تسجّل تعليق صوتي، وتحط الدرجة.
- 6نتايج الامتحان وتحليل الأسئلةمن «الامتحانات» دوس «النتايج» على أي امتحان: هتلاقي المتوسط وأعلى وأقل درجة ونسبة النجاح وتوزيع الدرجات، ونسبة الصح في كل سؤال وأكتر غلطة، وقايمة الطلاب بدرجاتهم، وتنزّلها Excel أو تبعتها لأولياء الأمور على واتساب.
- 7كتابة المعادلات والرموز في الأسئلةجنب خانة السؤال والاختيارات والشرح في الامتحان في زرار «معادلة» بيفتح لوحة رموز وقوالب (كسر، أُس، جذر، تكامل، صيغ كيميا…) بتعمل المعادلة من غير ما تعرف LaTeX. ولو بتدرّس رياضيات، تختار تظهر لطلابك «عربي زي الكتاب» أو «English».