تصحيح الأسئلة المقالية والإجابات بالصوت والصورة

السؤال «مقالي» في دَرّب مش لازم يتجاوب كتابة بس: تقدر تخلّي الطالب يسجّل إجابته بصوته أو يصوّر حله من الكشكول. بتصححه من «النتايج»: تشوف الإجابة، ترسم عليها، تسجّل تعليق صوتي، وتحط الدرجة، والطالب بيشوف كل ده في نتيجته.

قبل ما تبدأ

• التصحيح للمدرس، وللمساعد في الكورسات اللي هو عليها.
• طريقة الإجابة بتتحدد وانت بتكتب السؤال (تحت).

الخطوات

تحدد الطالب يجاوب إزاي

1. في خطوة «الأسئلة» من الامتحان دوس «مقالي».

2. اكتب السؤال.

3. في «الطالب يجاوب إزاي؟» اختار واحدة أو أكتر: «نص»، «صوت»، «صورة».

4. لو اخترت «صوت»، حدد «أقصى مدة للتسجيل» (من دقيقة لـ 5 دقايق).

5. اكتب «الإجابة النموذجية». دي بتظهرلك انت بس وانت بتصحح.

6. دوس «احفظ السؤال».

   ولو عايز الطالب يقرا فقرة بصوت عالي (عربي أو لغات)، استخدم نوع «قراءة / نطق»: بتكتب النص، والطالب بيسجّل قرايته.

تصحح

1. من «الامتحانات» افتح الامتحان. الكارت اللي عليه إجابات مستنية بيبان عليه «... مستني تصحيح · صحّحه».

2. في «الملخص» دوس الشريط «... إجابة مقالي مستنية تصحيحك»، أو روح لتاب «الطلاب» واختار «مستني تصحيح».

3. جنب الطالب دوس «صحّح».

4. اسمع تسجيل الطالب (بتقدر تسرّعه)، أو اقرا اللي كتبه، وقارن بـ«النموذجية».

   

5. لو في صورة، دوس عليها تفتح كبيرة، ودوس «ارسم وصحّح».

6. اختار «قلم أحمر» أو «قلم أزرق» وعلّم على الحل. تقدر ترجع خطوة أو تمسح الرسم.

7. دوس «احفظ التصحيح».

   

8. لو عايز تعلّق بصوتك، دوس «علّق بالصوت» وسجّل (لحد 5 دقايق).

9. اكتب الدرجة في خانة «الدرجة»، وتعليق مكتوب لو حابب.

10. دوس «صحّح». هتظهر «اتصحح» والدرجة بتتحسب على طول.

حاجات مهمة

• الطالب يقدر يبعت لحد 3 صور في السؤال، وكل صورة لحد 8 ميجا.
• الصورة الأصلية بتفضل زي ما هي. اللي بترسمه بيتحفظ نسخة، والطالب بيشوف «تصحيح المدرس» ويقدر يدوس «شوف الأصل».
• لحد ما تصحح، الطالب بيشوف «درجة مبدئية، في سؤال مقالي مستني تصحيح»، وولي الأمر بيشوف «بيتصحح».
• لو الواجب بيقفل الحصة اللي بعده، الحصة بتفتح بعد التصحيح بس. شوف الواجب.
• تقدر تغيّر درجة سؤال اتصحح بزرار «عدّل».
• «علّق بالصوت» موجود كمان على الأسئلة التانية (مش المقالي بس) لو عايز تشرح للطالب غلطته.

لو حصلت مشكلة

• «الدرجة من 0 لـ ...»: الدرجة لازم تكون بين صفر ودرجة السؤال.
• «اختار طريقة واحدة على الأقل للإجابة.»: في السؤال المقالي لازم تختار «نص» أو «صوت» أو «صورة».
• مش سامع التسجيل أو الصورة مش فاتحة: اللينك بيخلص بعد شوية لحماية الملفات. اقفل النافذة وافتحها تاني.
• الطالب بيقول «المتصفح مش سامح بالمايك»: لازم يسمح بالمايك من علامة القفل جنب العنوان (على الآيفون: الإعدادات › Safari › الميكروفون).

بعد ما تخلّص التصحيح، شوف نتايج الامتحان وتحليل الأسئلة.